აშშ-ის სახელმწიფო მდივნის მარკო რუბიოს თვითმფრინავი, რომლითაც ის მიუნხენის უსაფრთხოების კონფერენციაზე და ახლო აღმოსავლეთში მიფრინავდა, ტექნიკური გაუმართაობის გამო უკან, აშშ-ის ენდრიუსის ავიაბაზაზე დაბრუნდა. ინფორმაციას Reuters-ი ავრცელებს.
როგორც სააგენტო იუწყება, რუბიოს თვითმფრინავი აფრენიდან 90 წუთში უკან დაბრუნდა, რადგან პილოტების კაბინის საქარე მინაზე ბზარი გაჩნდა.
„[სახელმწიფო] მდივანი გააგრძელებს მის ვიზიტს გერმანიასა და ახლო აღმოსავლეთში ახალი თვითმფრინავით“, – ციტირებს სააგენტო სახელმწიფო დეპარტამენტის პრესსპიკერს ტემი ბრიუსს.
ჯერჯერობით უცნობია, მოახერხებს თუ არა რუბიო აშშ-ის ვიცე-პრეზიდენტთან ჯეი დი ვენსთან ერთად უკრაინის პრეზიდენტთან ვოლოდიმირ ზელენსკისთან შეხვედრის გამართვას, რომელიც მიუნხენის უსაფრთხოების კონფერენციის ფარგლებში უნდა გაიმართოს.