ევროპული კომისია აშშ-ის პრეზიდენტის დონალდ ტრამპის მიერ დაანონსებულ საპასუხო ტარიფების პოლიტიკის შემოღებას აკრიტიკებს და აღნიშნავს, რომ ეს არასწორი მიმართულებით გადადგმულ ნაბიჯია.
„ჩვენ პრეზიდენტ ტრამპის მიერ „საპასუხო“ სავაჭრო პოლიტიკას არასწორი მიმართულებით გადადგმულ ნაბიჯად განვიხილავთ. ევროკავშირი კვლავ ემხრობა ღია და პროგნოზირებად სავაჭრო სისტემას, რომელსაც სარგებელი ყველა პარტნიორისთვის მოაქვს. ევროკავშირი მყისიერ და სწრაფ რეაგირებას მოახდენს თავისუფალი და სამართლიანი ვაჭრობის გზაზე შექმნილ გაუმართლებელ ბარიერებზე, იმ შემთხვევაშიც კი, როცა ტარიფები კანონიერი და არადისკრიმინაციული პოლიტიკისთვის გამოწვევის შესაქმნელად გამოიყენება. ჩვენ ყოველთვის დავიცავთ ევროპულ ბიზნესს, მუშებს და მომხმარებლებს გაუმართლებელი სატარიფო ზომებისგან“, – ნათქვამია ევროკომისიის განცხადებაში.
ცნობისთვის, ტრამპმა ხელი მოაწერა მემორანდუმს, რომელიც საპასუხო ტარიფების დაწესებას ითვალისწინებს. დოკუმენტის მიხედვით, სავაჭრო საკითხებში მისი მრჩევლები გამოთვლიან ახალი ტარიფების დონეს ყველა ქვეყნისთვის.