უკრაინის პრეზიდენტმა, ვოლოდიმირ ზელენსკიმ განაცხადა, რომ კარგი შეხვედრა გამართა აშშ-ის ვიცე-პრეზიდენტთან, ჯეი დი ვენსთან მიუნხენის უსაფრთხოების კონფერენციის ფარგლებში.
„ჩვენი გუნდები გააგრძელებენ მუშაობას დოკუმენტზე. ჩვენ განვიხილეთ მრავალი მნიშვნელოვანი საკითხი და მოუთმენლად ველით გენერალ კელოგის ვიზიტს უკრაინაში შემდგომი შეხვედრებისა და ადგილზე სიტუაციის უფრო ღრმა შეფასებისთვის.
ჩვენ მზად ვართ რაც შეიძლება სწრაფად გადავდგათ ნაბიჯები რეალური და გარანტირებული მშვიდობისკენ. ჩვენ დიდად ვაფასებთ პრეზიდენტ ტრამპის შემართებას, რომელიც შეიძლება დაეხმაროს ომის შეჩერებას და უზრუნველყოს სამართლიანობა და უსაფრთხოების გარანტიები უკრაინისთვის“, – აღნიშნა უკრაინის პრეზიდენტმა.
კომენტარები