საქართველოს პრემიერ-მინისტრი ირაკლი კობახიძე, რომელმაც გურიის რეგიონში საკოორდინაციო შტაბის სხდომა გამართა აცხადებს, რომ მთლიანობაში არსებობს გეგმა, გამოწვევა ძალიან ბევრია, თუმცა ყველაფერი გაკეთდება, რათა ყველა პრობლემა გადაიჭრას:
“მდგომარეობა საკმაოდ რთულია, გუშინდელმა თოვამ კიდევ უფრო გაართულა მდგომარეობა, შესაბამისად, დღეს უკვე აუცილებელი გახდა საქმეში ჯარის, თავდაცვის ძალების ჩართვა. სრულად იქნება კოორდინირებული ყველა უწყება იმისათვის, რომ სტიქიას ვებრძოლოთ. სოფლების ძალიან დიდი ნაწილი მოწყვეტილია გარე სამყაროს, ვერ მყარდება კომუნიკაცია სოფლების მნიშვნელოვან ნაწილთან. ამ კუთხით არის ძალიან ბევრი სამუშაო. ამისათვის მობილიზებული იქნება ტექნიკა, რათა მაქსიმალურად აღდგეს კავშირი კონკრეტულ სოფლებთან. ასევე დაგვჭირდება მარაგების მობილიზება, როგორც მედიკამენტების ასევე სურსათის ნაწილში, შეშის ნაწილში გათბობისთვის. ამასთან დაკავშირებით კონკრეტული გეგმით ვიმუშავებთ. მთლიანობაში არსებობს გეგმა, გამოწვევა ძალიან ბევრია, თუმცა ყველაფერი გაკეთდება, რათა მაქსიმალურად ვიმუშაოთ ყველა პრობლემის გადაჭრაზე,”- აცხადებს პრემიერი.