გარემოს ეროვნული სააგენტოს ინფორმაციით, დღეს საქართველოს უმეტეს რეგიონში კვლავ თოვლია მოსალოდნელი. სინოპტიკოსების პროგნოზით, მთიან და მაღალმთიან რაიონებში, დღის საათებშიც ყინვაა მოსალოდნელი. სინოპტიკოსები მცირე თოვლს ვარაუდობენ დედაქალაქშიც. 27 თებერვლიდან ნალექების შემცირებას ვარაუდობენ და 28 თებერვლიდან უმეტესად უნალექო ამინდს პროგნოზირებენ.
„დღეს დასავლეთ საქართველოს უმეტეს და აღმოსავლეთ საქართველოს ზოგიერთ კვლავ მოსალოდნელია თოვლი, ზოგან შესაძლებელია, კვლავ ძლიერი თოვა აღინიშნოს. დასავლეთ საქართველოს დაბლობ რაიონებში ჰაერის გათბება +5 გრადუსამდე.. აღმოსავლეთ საქართველოს ბარში -2+3 ფარგლებში იქნება ტემპერატურა. რაც შეეხება დედაქალაქს, დღეს შესაძლებელია მცირე თოვლი აღინიშნოს დროგამოშვებით. 27 თებერვალს დღის მეორე ნახევრიდან ნალექების ინტენსივობა შემცირდება. მხოლოდ ზოგიერთ რაიონში შენარჩუნდება მცირე თოვლი და 28 თებერვალს საქართველოში გამოიდარებს, უმეტესად უნალექო ამინდი იქნება”, – განაცხადა სინოპტიკოსმა მაია ქააძემ.