ფრაქცია „ქართული ოცნების“ თავმჯდომარის მოადგილე, ლევან მაჭავარიანი გენდერული თანასწორობის შესახებ“ კანონპროექტზე საუბრობს და აღნიშნავს, რომ არსებობს ორი სქესი – ქალი და კაცი და კარგია, რომ აშშ-შიც კანონის დონეზე მიიღეს, რომ მხოლოდ ორი სქესი არსებობს.
„ჩვენ ვიცით რომ არსებობს ორი სქესი – ქალი და კაცი და ძალიან მოხარულები ვართ, რომ აშშ-ში ამ ჭეშმარიტებამ გაიმარჯვა და იქაც კანონის დონეზე მიიღეს, რომ ორი სქესი არის და ჩვენც ყველაფერი კონსტიტუციასთან შესაბამისობაში მოგვყავს“, – განაცხადა ლევან მაჭავარიანმა.
პარლამენტმა „გენდერული თანასწორობის შესახებ“ კანონპროექტის განხილვა დაიწყო. საკანონმდებლო ცვლილებათა პაკეტი დღეს ადამიანის უფლებათა დაცვის კომიტეტის სხდომაზე განიხილეს და მხარი დაუჭირეს. ცვლილებების მიხედვით, ქართული კანონმდებლობიდან ტერმინების „გენდერი“ და „გენდერული იდენტობა“ ამოღება იგეგმება.