საზოგადოებისთვის ცნობილი გახდა, რომ თურმე USAID-ის მხრიდან ფინანსდებოდა 6 200 ჟურნალისტი 30 ქვეყანაში, ასევე 700 მედიაორგანიზაცია და 300 ისეთი მედიაორგანიზაცია, რომელიც თითქოს იყო არასამთავრობო ორგანიზაციის ფორმით ამა თუ იმ ქვეყნის, – განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე რატი იონათამიშვილმა დარგობრივი ეკონომიკისა და ეკონომიკური პოლიტიკის საპარლამენტო კომიტეტის სხდომაზე, სადაც „მაუწყებლობის შესახებ“ საქართველოს კანონში შესატანი ცვლილებების განხილვა მიმდინარეობს.
„გუშინ კიდევ ახალი, საინტერესო სიახლე გახდა ცნობილი მასკისგან, რომ USAID-სგან თითოეული მათგანის მიმართ იყო ერთი და იგივე მოთხოვნა – ეს არის სტრატეგიული დუმილის პოლიტიკის გატარება. ის გამოწვევები, რაც არის, არის ძალიან რეალური და როდესაც გარედაფინანსებით ხდება მედიის გაკონტროლება, ეს საბოლოო ჯამში ხმარდება არა ვადგილობრივი საზოგადოებისა და სახელმწიფოს ინტერესებს, არამედ კონკრეტულად მანიპულაციური დღის წესრიგის შესაქმენლად გამოიყენება. დღე არ გავიდოდა, სხვადასხვა მედიასაშუალებაში რომ არ გასულიყო დეზინფორმაცია მტკიცებითი ფორმით“, – აღნიშნა რატი იონათამიშვილმა.
დარგობრივი ეკონომიკისა და ეკონომიკური პოლიტიკის საპარლამენტო კომიტეტის სხდომაზე „მაუწყებლობის შესახებ“ საქართველოს კანონში შესატანი ცვლილებების განხილვა მიმდინარეობს.
როგორც კანონპროექტის განმარტებით ბარათშია ნათქვამი, კანონპროექტის მიღება განაპირობა მედიამომსახურების სფეროში ხარისხიანი და ობიექტური მაუწყებლობის უზრუნველყოფასთან დაკავშირებული გამოწვევების დაძლევისთვის მედიამომსახურების ბრიტანული მოდელის საქართველოს საკანონმდებლო აქტში დამკვიდრების მიზნით განსახორციელებელმა საკანონმდებლო ცვლილებებმა.