ძალიან ბევრი მაქვს მოსაყოლი მაგრამ ამ შემთხვევაში თუ არ ვცდები ციხის ეპიზოდია, – განაცხადა ბიზნესმენ ბესიკ ხარძიანის შვილმა ბესიკ ხარძიანმა, რომელსაც დღეს საპარლამენტო საგამოძიებო კომისია მოუსმენს.
როგორც ხარძიანი აცხადებს, ის კომისიას მოუყვება თუ როგორ გაუსწორდა მის ოჯახს „ნაცმოძრაობის“ რეჟიმი. რა პირობებში იმყოფებოდა მამამისი საპატიმროში, როდესაც 2011 წელს დააკავეს.
ბესო ხარძიანის თქმით, მისი ოჯახის წინააღმდეგ ადგილი ჰქონდა არა მხოლოდ ადამიანის უფლებების დარღვევის ფაქტებს, ასევე ბიზნესის რეკეტს, საუბარია კუს ტბის წილების დათმობაზე.
„არა მარტო ჩემთვის, არამედ ყველა ქართველისთვის, რომელიც წინა რეჟიმის დროს დაზარალდა, ყველა ამ ადამიანისთვის მნიშვნელიანია დღევანდელი დღე. ჩვენ არ ვართ შურის მაძიებელი ოჯახი და ხალხი. მაგრამ ერთია ჩვენ რა გვსურს და გვინდა და მეორე არის კანონი, კანონი რომელიც არეგულირებს მოქალაქეთა ქცევებს იმ სახელმწიფოში, რომელ სახელმწიფოშიც დღეს ჩვენ ვიმყოფებით. დღეს სწორედ იმათმა უნდა აგონ თავიანთ დანაშაულებრივ ქცევებზე პასუხი. ძალიან ბევრი მაქვს მოსაყოლი. ყველა სისხლის სამართალი შეგვეხო, ქონებაც შეგვეხო მაგრამ ამ შემთხვევაში თუ არ ვცდები ციხის ეპიზოდია“, – განაცხადა ბესო ხარძიანმა.
პარლამენტში 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირთა საქმიანობის შემსწავლელი პარლამენტის დროებითი საგამოძიებო კომისიის სხდომა მიმდინარეობს. კომისიის წევრები ბესიკ ხარძიანის გახმაურებულ საქმეს შეისწავლიან.