სავაჭრო პარტნიორებისთვის გაზრდილი ტარიფების დაწესებას დონალდ ტრამპი ავადმყოფობის დროს წამლის მიღებას ადარებს. შეერთებული შტატების პრეზიდენტი აცხადებს, რომ სავაჭრო გარიგებას არ გააფორმებს, ვიდრე სავაჭრო დეფიციტის საკითხი არ მოგვარდება.
„რა ბედი ელის ბაზარს ამას ვერ გეტყვით. მაგრამ, შემიძლია გითხრათ, რომ ჩვენი ქვეყანა უფრო ძლიერი გახდა და საბოლოო ჯამში, ის ეკონომიკური კუთხით მსოფლიოში დომინანტი გახდება. ჩვენ სავაჭრო დეფიციტის საკითხი გვაქვს მოსაგვარებელი. ზოგიერთ ქვეყანასთან ეს დეფიციტი მილიონს აღემატება, ჩინეთთან კი საქმე ტრილიონს დოლარს ეხება. ამ პრობლემის მოგვარებამდე გარიგების გაფორმებას არ ვაპირებ. დიდია ფინანსური დეფიციტი ევროკავშირთან და სხვა ქვეყნებთან. ამ პრობლემის მოგვარების ერთადერთი გზა ტარიფებია, რომელსაც ახლა შეერთებული შტატებისთვის ათობით მილიონი დოლარი მოაქვს. უკვე ვესაუბრე რამდენიმე ლიდერს, მათ გარიგება სურთ, მაგრამ ჩემი პოზიცია ასეთია – ჩვენ არ გვექნება დეფიციტი, რადგანაც დეფიციტი ჩემთვის დანაკარგია. ჩემი მიზანია პროფიციტი ან უკიდურეს შემთხვევაში, დანაკარგის არ ქონა“, – აცხადებს ტრამპი.