რუსეთს ომის დასრულება არ სურს, – აცხადებს ვოლოდიმირ ზელენსკი და აღნიშნავს, რომ ამის დასტურია გასულ უქმეებზე რუსეთის მიერ უკრაინულ ქალაქებზე, მათ შორის კიევზე მასირებული იერიშები. ზელენსკი პუტინის მიერ ცეცხლის უპირობო შეწყვეტის უარყოფაზე, შეერთებული შტატების რეაქციას ელოდება და საჰაერო თავდაცვის სისტემებისა და რაკეტების წარმოების გაძლიერებაზე მიუთითებს.
„რუსეთი გაურბის დიპლომატიას და არ ეთანხმება ცეცხლის უპირობო შეწყვეტას. მათ სურთ, შეინარჩუნონ ჩვენი ქალაქებისა და პორტების ზღვიდან დაბომბვის შესაძლებლობა. უკრაინამ მიიღო ამერიკული შეთავაზება ცეცხლის სრულ და უპირობო შეწყვეტაზე, რუსეთმა ის უარყო, ველოდებით შეერთებული შტატების რეაქციას. ჯერჯერობით არანაირი რეაქცია არ ყოფილა. აუცილებელია საჰაერო თავდაცვის სისტემებისა და მათთვის განკუთვნილი რაკეტების უფრო აქტიური წარმოება ევროპასა და ამერიკაში. ჩვენ უკრაინაში შეგვიძლია უზრუნველვყოთ ასეთი წარმოება და გვჭირდება შესაბამისი პოლიტიკური გადაწყვეტილებები“, – განაცხადა ზელენსკიმ.