პრინცი უილიამი და მისი მეუღლე კემბრიჯის ჰერცოგინია ქეით მიდლტონი, ჟურნალი Closer-ისგან მორალური ანაზღაურებისთვის 1,5 მილიონ ევროს ითხოვს. ამის შესახებ სააგენტო France-Presse-ი წერს.
როგორც სააგენტო იუწყება, ფრანგულმა ჟურნალმა „კლოზერ“, 2012 წლის სექტემბერში, გამოაქვეყნა ძალიან დაბალი ხარისხის ფოტოსურათები, სადაც კეიტ მიდლტონი სან ტროპეს სანაპიროზე საცურაო კოსტიუმით იყო წარმოდგენილი.
იმ დროს ფრანგულმა ჟურნალმა კეიტ მიდლტონის 12 ფოტო გამოაქვეყნა სათაურით „მეორე თაფლობის თვეს პრინცესა მიდლტონი და პრინცი უილიამი ფრანგულ პროვანსში აღნიშნავენ“.
ფოტოების გამოქვეყნებიდან რამდენიმე დღეში, კეიტ მიდლტონმა და პრინცმა უილიამმა ოფიციალურად მიმართეს საფრანგეთის სასამართლოს და ჟურნალის წინააღმდეგ სარჩელი შეიტანეს „პირადი ცხოვრების ხელყოფისთვის“.
Closer-ის რედაქციის მტკიცებით, პრინცისა და ჰერცოგინიას სურათები მიდლტონს არ აკნინებს, პირიქით „ფოტოებზე თანამედროვე შეყვარებული წყვილია ასახული“.