აშშ-ის ხელისუფლებამ გრენლანდიაში მდებარე ამერიკული სამხედრო-კოსმოსური ბაზის, პიტუფიკის მეთაური სუზანა მეიერსი თანამდებობიდან გაათავისუფლა. ინფორმაციას CNN-ი ავრცელებს.
ამერიკული ტელეარხის ცნობით, ბაზის მეთაურის გათავისუფლების შესახებ გადაწყვეტილება აშშ-ის ვიცე-პრეზიდენტის, ჯეი დი ვენსისა და მისი მეუღლის, უშა ვენსის ვიზიტის შემდეგ მიიღეს.
ჯეი დი ვენსის ვიზიტის შემდეგ მეიერსმა სამხედრო ბაზის ყველა თანამშრომელს, რომელთა რიგებში ამერიკელების გარდა კანადელები, გრენლანდიელები და დანიელები მსახურობენ, ელექტრონული წერილი გაუგზავნა, აღნიშნავს CNN-ი.
„მიმდინარე პოლიტიკაში მე ვერ ვერკვევი, მაგრამ ერთი რამ დანამდვილებით ვიცი: ამერიკელების შეშფოთება, რაზეც ჯეი დი ვენსი პარასკევს საუბრობდა, კოსმოსურ ბაზა პიტუფიკს არ ეხება“, – ნათქვამია მეიერსის წერილში.
CNN-ის ინფორმაციით, მეიერსის გათავისუფლების შემდეგ ბაზის ხელმძღვანელობა პოლკოვნიკმა შონ ლიმ გადაიბარა.