უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინული მხარე მზად არის, შეიძინოს საჰაერო თავდაცვის დამატებითი სისტემები და ეს საკითხი აშშ-ის პრეზიდენტთან, დონალდ ტრამპთან განიხილა.
„ჩვენ ამაზე შეერთებული შტატების პრეზიდენტთან ვისაუბრეთ: უკრაინა არ ითხოვს – ჩვენ მზად ვართ, შევიძინოთ შესაბამისი დამატებითი სისტემები. და სწორედ ძლიერი იარაღი არის ერთადერთი, რისი იმედიც შეიძლება გქონდეს სიცოცხლის დაცვისთვის, ისეთი მეზობლის ყოლისას, როგორიც რუსეთია“, – აღნიშნა უკრაინის პრეზიდენტმა.
ვოლოდიმირ ზელენსკის თქმით, საჰაერო თავდაცვა პირველი პრიორიტეტია და მადლობა გადაუხადა პარტნიორებს, რომლებიც უკვე ეხმარებიან უკრაინას.
კომენტარები
