აშშ-ის პრეზიდენტმა, დონალდ ტრამპმა განაცხადა, რომ ირანს ბირთვული იარაღი არ უნდა ჰქონდეს.
„მე მსურს, რომ ირანი იყოს შესანიშნავი, დიადი და ბედნიერი ქვეყანა. მაგრამ მათ არ შეიძლება ჰქონდეთ ბირთვული იარაღი“, – აღნიშნა აშშ-ის პრეზიდენტმა.
მანამდე თეთრი სახლის სპიკერმა, კაროლინ ლევიტმა განაცხადა, რომ პრეზიდენტ დონალდ ტრამპს სურს, ირანმა იცოდეს, რომ, თუ ის ბირთვულ პროგრამაზე უარს არ იტყვის, მას დიდი საფასურის გადახდა მოუწევს.
კაროლინ ლევიტის თქმით, ტრამპის საბოლოო მიზანია უზრუნველყოს, რომ ირანმა ვერასდროს მოიპოვოს ბირთვული იარაღი და მას სჯერა დიპლომატიის, თუმცა თუ დიპლომატიური ძალისხმევა ჩავარდება, ყველა ვარიანტი განიხილება.
„მაგრამ მან ირანელებს ძალიან მკაფიოდ განუმარტა, რომ ყველა ვარიანტი განიხილება და ირანს არჩევანი აქვს გასაკეთებელი. შეუძლიათ დაეთანხმონ პრეზიდენტ ტრამპის მოთხოვნას, ან ძალიან ცუდი შედეგები დადგება“, – აღნიშნა თეთრი სახლის სპიკერმა.