ძლიერი წვიმით გამოწვეულ წყალდიდობასთან გასამკლავებლად, ოთხშაბათს, 16 აპრილს, აზერბაიჯანის საგანგებო სიტუაციების სამსახურებმა მოსახლეობის ევაკუაციისა და საავტომობილო გზებიდან წყლის გადატუმბვის ოპერაციები განახორციელეს.
საგანგებო სიტუაციების სამინისტროს განცხადებით, მაშველთა ჯგუფებმა 41 ადამიანის, მათ შორის 17 ბავშვის, ევაკუაცია მოახდინეს, რომლებიც დატბორილ ტერიტორიებზე იყვნენ ჩარჩენილნი.
სამინისტროს ცნობით, დატბორილი გზების წყლისგან გასათავისუფლებლად, ეკიპაჟებმა ტუმბოები გამოიყენეს და უსაფრთხოების სხვა ზომები მიიღეს.
საგანგებო ოპერაციები ჩატარდა დედაქალაქ ბაქოსა და რამდენიმე სხვა ქალაქში, მათ შორის – განჯაში, სუმგაითში, ხირდალანში, ხაჩმაზსა და მინგეჩაურში.
კომენტარები