„სააკაშვილის ლიბერალური ფაშიზმის მთავარი ფეიკ-კინოდოკუმენტალისტი და აშკარად გაუკუღმართებული სადისტური შემოქმედებითი ნიჭის პატრონი იყო შსს-ს პრესსამსახურის ყოფილი უფროსი გურამ დონაძე – არა ერთი მკვლელობის, წამების და დანაშაულის დაფარვის მიზნით შექმნილი კინოქრონიკის სცენარისტი და დამდგმელი რეჟისორი“- წერს სოციალურ ქსელში „ხალხის ძალის“ წევრი დავით ქართველიშვილი.
მისი თქმით, სოზარ სუბარის რეკომენდაციით, კომისიის საბოლოო დასკვნაში აუცილებლად უნდა გამოიკვეთოს თუ როგორ ხდებოდა ჟურნალისტების, პრესის დატერორება და როგორ მუშაობდა ლიბერალური ფაშიზმის რეჟიმზე მის მიერვე შექმნილი სიცრუის მანქანა.
„დღეს საქართველოს პარლამენტის დროებითი საგამოძიებო კომისიის სხდომაზე, სოზარ სუბარი უმნიშვნელოვანეს თემას შეეხო. ნაცისტური გერმანიის ცნობილ ჯალათებზე არანაკლებად დიდი წვლილი შეიტანა ფაშიზმის დანაშაულებრივი რეჟიმის განმტკიცებაში, მისი “შელამაზება” და “გაპრავების” მიზნით იოზეფ გებელსის მიერ შექმნილმა “შემოქმედებითმა ჯგუფმა”. ფაშისტური სადიზმის და წამების შენიღბვის ამ “ნიჭიერი” დიდოსტატების სახელებიც შემოგვინახა ისტორიამ: ლენი რიფენშტალი (Leni Riefenstahl), ფაიტ ხარლანი (Veit Harlan), ხანს ვაისი
(Hans Weidemann), კარლ რიტერი (Karl Ritter), ვალტერ რუტმანი
(Walter Ruttmann).
სააკაშვილის ლიბერალური ფაშიზმის მთავარი ფეიკ-კინოდოკუმენტალისტი და აშკარად გაუკუღმართებული სადისტური შემოქმედებითი ნიჭის პატრონი იყო შსს-ს პრესსამსახურის ყოფილი უფროსი გურამ დონაძე – არა ერთი მკვლელობის, წამების და დანაშაულის დაფარვის მიზნით შექმნილი კინოქრონიკის სცენარისტი და დამდგმელი რეჟისორი. ბუტა რობაქიძე, სანდრო გვირგვლიანი, “ნავთლუღის ოპერაციის” მსხვერპლნი – ეს არის მხოლოდ მცირე ჩამონათვალი გურამ დონაძის მიერ შექმნილი სიცრუის ტირაჟირების საოცრად აწყობილი სისტემის პროდუქციისა.
სამწუხაროდ გერმანული ფაშიზმის დამარცხების შემდეგ, იოზეფ გებელსის “შემოქმედებითი ჯგუფის” არც ერთ ნაცისტურ ფეიკ-რეჟისორს არ ხვდა წილად დამსახურებული სისხლის სამართლებრივი პასუხისმგებლობა: გამამართლებელი განაჩენები, საზოგადოებრივი ბოიკოტი და გაკიცხვა, მორალური სტიგმა – ეს იყო მათი დასჯის მაქსიმუმი. ამიტომაც, სოზარ სუბარის რეკომენდაციით, კომისიის საბოლოო დასკვნაში აუცილებლად უნდა გამოიკვეთოს თუ როგორ ხდებოდა ჟურნალისტების, პრესის დატერორება და როგორ მუშაობდა ლიბერალური ფაშიზმის რეჟიმზე მის მიერვე შექმნილი სიცრუის მანქანა. კომისიის საბოლოო დასკვნის გამოქვეყნებისთანავე, გურამ დონაძის ფეხქვეშ, როგორც მინიმუმ, მიწა უნდა იწვოდეს...“-წერს დავით ქართველიშვილი.