თბილისის მერიის ინფორმაციით, დედაქალაქის სხვადასხვა რაიონში მოქმედი ყველა შადრევანი ეტაპობრივად ჩაირთვება და ნოემბრის ბოლომდე გააგრძელებს ფუნქციონირებას.
მათივე ცნობით, წელს თბილისს სამი ახალი შადრევანი შეემატა – მუხიანის სკვერში, სამგორის პარკსა და რუსთაველის გამზირზე, №52-ის მიმდებარედ.
„შადრევნები ყოველი წლის მაისიდან ირთვება. თბილისის მუნიციპალიტეტი მაქსიმალურად ზრუნავს ყველა მოქმედი შადრევნის ტექნიკურ გამართულობაზე. უსაფრთხოება და ტექნიკური გამართულობა პრიორიტეტულია. ყოველი ობიექტი გადის ტექნიკურ ექსპერტიზას და მოწმდება თანამედროვე უსაფრთხოების სტანდარტების შესაბამისად.
შპს „ეკოსერვის ჯგუფი“ უზრუნველყოფს დედაქალაქის 50-ზე მეტი შადრევნის მოვლა-პატრონობას.
თბილისის შადრევნები, როგორც ურბანული კულტურის ნაწილი, ხელს უწყობს ქალაქის ვიზუალურ განვითარებას, რეკრეაციული ზონების გაძლიერებას და მოქალაქეებისთვის მეტად კომფორტული გარემოს შექმნას“, – აღნიშნულია თბილისის მერიის ინფორმაციაში.
