ახალციხე-ასპინძის დამაკავშირებელ გზაზე, სოფელ რუსთავთან ავტომობილი გზის სავალი ნაწილიდან გადავიდა და მდინარე მტკვარში გადავარდა. ინფორმაციას 1tv.ge ავრცელებს.
სასწრაფო სამედიცინო დახმარების ადგილზე მისულ ბრიგადას სამი ახალგაზრდა კაცი დახვდა დაშავებული. ისინი, მძიმე მდგომარეობით, ახალციხის სხვადასხვა კლინიკაში გადაიყვანეს.
1tv.ge-ს ცნობით, დაშავებულთაგან ორი მოგვიანებით თბილისში გადაიყვანეს, ერთი კი კვლავ ახალციხის კლინიკაში რჩება.
შინაგან საქმეთა სამინისტროს ინფორმაციით, ფაქტზე გამოძიება სსკ-ის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის ნაკლებად მძიმე დაზიანება.
კომენტარები