“სალომე ზურაბიშვილს დავალება აქვს, რომ საზოგადოების გახლეჩვა მოახდინოს”

სალომე ზურაბიშვილს დავალება აქვს მიღებული, რომ საზოგადოების გახლეჩვა და დაპირისპირება მაქსიმალურად მოახდინოს, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.

მისი თქმით, 26 მაისთან დაკავშირებით ზურაბიშვილის გეგმა სწორედ იმას ემსახურება, რომ საზოგადოების გახლეჩვა მოხდეს.

„რაც არ უნდა განსხვავებული პოლიტიკური ხედვა გაგაჩნდეს, ყველა დღესასწაული საზოგადოებას აერთიანებს და ასეთია დამოუკიდებლობის დღე. მათი მიზანია, ამ დღეს საზოგადოების გახლეჩვა მოხდეს და თუ დაპირისპირება გამოუვა, შეიძლება, მას პრემიაც დაენიშნოს. ეს არის სალომე ზურაბიშვილი და მისი 26 მაისი“, – განაცხადა ქადაგიშვილმა.