გერმანიის კონსტიტუციური დაცვის ფედერალურმა სამსახურმა ულტრამემარჯვენე პარტია „ალტერნატივა გერმანიისთვის“ დროებით, აპელაციის განხილვის დასრულებამდე ექსტრემისტების სიიდან ამოიღო. ინფორმაციას DW ავრცელებს.
აღსანიშნავია, რომ ქვეყნის ხელისუფლებამ „ალტერნატივა გერმანიისთვის“ ექსტრემისტულად გასულ კვირას გამოაცხადა და სადაზვერვო სამსახურს თვალთვალის უფლება მისცა.
კონსტიტუციური დაცვის სამსახურის ეს გადაწყვეტილება გააკრიტიკეს როგორც ქვეყნის შიგნით, ასევე მის ფარგლებს გარეთ. თავად პარტია „ალტერნატივა გერმანიისთვის“ წარმომადგენლებმა განაცხადეს, რომ ხელისუფლების გადაწყვეტილებას გაასაჩივრებდნენ.
ცნობისთვის, მიმდინარე წლის 23 თებერვალს გერმანიაში გამართულ რიგგარეშე არჩევნებში „ალტერნატივა გერმანიისთვის“ მეორე ადგილი დაიკავა და ხმათა 20,8% მიიღო.
კომენტარები