პრეზიდენტ ტრამპისადმი პრემიერ-მინისტრის ღია წერილი აქტუალური და საჭიროა, რადგან აშშ-საქართველოს ურთიერთობაში ძალიან ბევრი პასუხგაუცემელი შეკითხვაა, – წერს ანალიტიკოსი გია აბაშიძე სოციალურ ქსელში.
მისი თქმით, სტრატეგიულ პარტნიორებს შორის ასეთი ბზარები არ უნდა არსებობდეს და მუდმივი დიალოგი არასდროს უნდა შეწყდეს.
„პრეზიდენტ ტრამპისადმი პრემიერ-მინისტრის, ირაკლი კობახიძის ღია წერილი აქტუალური და საჭიროა, აშშ-საქართველოს ურთიერთობაში ძალიან ბევრი პასუხგაუცემელი შეკითხვაა. სტრატეგიულ პარტნიორებს შორის ასეთი ბზარები არ უნდა არსებობდეს და მუდმივი დიალოგი არასდროს უნდა შეწყდეს. საქართველოს მთავრობის მეთაური უზუსტეს აქცენტს აკეთებს და წერილში აღნიშნავს: “რამდენიმე კვირის წინ, მოგმართეთ წერილით ქართულ-ამერიკულ ურთიერთობებთან დაკავშირებით. აღნიშნულ წერილს წინ უსწრებდა ჩემი საჯარო განცხადებები, სადაც ღიად გამოვხატავდი საქართველოს მზაობას, სუფთა ფურცლიდან, კონკრეტული გზამკვლევით განგვეახლებინა სტრატეგიული პარტნიორობა საქართველოსა და აშშ-ს შორის. თუმცა, პასუხი ჩვენს წერილზე და საჯარო განცხადებებზე დღემდე არ მიგვიღია. მეტიც, დღემდე უმაღლეს დონეზე არ შემდგარა არავითარი კომუნიკაცია საქართველოს და აშშ-ს ხელისუფლებებს შორის“…“ – წერს გია აბაშიძე.