ბენიამინ ნეთანიაჰუს მთავრობა რასაც აკეთებს, მიუღებელია, სამარცხვინოა, – ამის შესახებ საფრანგეთის პრეზიდენტმა, ემანუელ მაკრონმა ფრანგულ ტელეარხ TF-1-თან ინტერვიუში განაცხადა.
ჟურნალისტის კითხვაზე, უნდა შეფასდეს თუ არა ღაზაში არსებული მდგომარეობა, როგორც გენოციდი, მაკრონმა უპასუხა, რომ პოლიტიკოსის საქმე არ არის ამ ტერმინების გამოყენება.
„ეს ისტორიკოსების საქმეა, როდესაც დრო მოვა. ეს მიუღებელი ჰუმანიტარული ტრაგედიაა. ის, რასაც ბენიამინ ნეთანიაჰუს მთავრობა აკეთებს, მიუღებელია. ჩემი სამუშაო არის ყველაფრის გაკეთება, რათა ეს შეწყდეს. ის რასაც აკეთებს, ეს სამარცხვინოა. ჩვენ უნდა გავზარდოთ ზეწოლა ისრაელის წინააღმდეგ სანქციებით“, – აღნიშნა მაკრონმა.
მაკრონის თქმით, აუცილებელია ორი სახელმწიფოს პრინციპზე დაფუძნებული გადაწყვეტა.
კომენტარები