პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ „დღის ქრონიკაში“ პრემიერ-მინისტრ ირაკლი კობახიძის ალბანეთის დედაქალაქ ტირანაში, ევროპული პოლიტიკური გაერთიანების (EPC) სამიტში მონაწილეობაზე ისაუბრა.
„მნიშვნელოვანია, რომ შესაძლებლობა იქნება, სხვადასხვა ქვეყნის უმაღლეს თანამდებობის პირებთან გასაუბრების, ჩვენი პოზიციების დაფიქსირების პრემიერ-მინისტრის მხრიდან. იქნება საშუალება, რომ ჩვენს ქვეყანასთან დაკავშირებით რეალობა და სიმართლე კიდევ ერთხელ დაფიქსირდეს. კიდევ ერთ ტყუილში უნდა ვამხილოთ „კოლექტიური ნაცმოძრაობა“. საუბრობდნენ, რომ თურმე ირაკლი კობახიძეს არ ჰქონია კომუნიკაცია არავისთან, არავის მისალმებია და შემდეგ გავრცელდა ვიდეო, სადაც ჩანს როგორ ესალმებიან კობახიძე და მაკრონი ერთმანეთს და ცვლიან ინფორმაციას. „კოლექტიური ნაცმოძრაობის“ ტელევიზიები ცდილობენ მარტივ ტყუილში აცხოვრონ საზოგადოება. სულ ვამბობთ ხოლმე, რომ მათი ტყუილები მალე გამოაშკარავდება ხოლმე. როგორც ჩანს, ხუთ წუთსაც ვერ უძლებს მათ მიერ მსგავსი ტყუილების გავრცელება“, – აღნიშნა გორდულაძემ.