ისრაელმა ღაზის სექტორში მასშტაბური სამხედრო ოპერაციის პირველი ეტაპი, „გედეონის ეტლი“ დაიწყო. ინფორმაციას The Times of Israel ქვეყნის თავდაცვის ძალებზე („ცაჰალზე“) დაყრდნობით ავრცელებს.
გავრცელებული ინფორმაციით, ოპერაცია მიზნად ანკლავში სტრატეგიული რაიონების დაკავებას, დაჯგუფება „ჰამასის“ ტერორისტული ქსელის განადგურებას და საბოლოო ამოცანების მიღწევას, მათ შორის, „ჰამასის“ ტყვეობაში დარჩენილი მძევლების გათავისუფლებას ისახავს.
„ცაჰალის“ ძალები სამხრეთ რაიონებში ისრაელის მოქალაქეების დაცვისთვის და ომში მიზნების მისაღწევად საჭირო მოქმედებებს გააგრძელებენ“, – ციტირებს გამოცემა ისრაელის თავდაცვის ძალების განცხადებას.
კომენტარები