მოსკოვის ყოფილ მერს იური ლუჟკოვს სექტემბერში საქართველოში ჩამოსვლის სურვილი აქვს.
როგორც მან “რია ნოვოსტის” განუცხადა, ის მისი ერთ-ერთი მეგობრის შვილის ქორწილშია მიწვეული.
“მე ვაპირებ, რომ სექტემბერში კიდევ ერთხელ წავიდე ჩემს საყვარელ საქართველოში. მე მიწვეული ვარ ჩემი მეგობრის შვილის ქორწილში. მე ჩემს მეუღლესთან ერთად მსურს ვნახო ქართული ქორწილი. ეს ყოველთვის საინტერესო, მასშტაბური და ლამაზია”,-აცხადებს ლუჟკოვი.
ის საქართველოს ხელისუფლების გადაწყვეტილებასაც გამოეხმაურა და განაცხადა, რომ თუ საქართველოს ხელისუფლების ქმედების გამო ეს ვერ მოხერხდება, ის “სხვა დროს”დაელოდება.
“ასეთი ველურ გადაწყვეტილებებს, მე ვფიქრობ საბოლოოდ საქართველოს ხელისუფლება არ მიიღებს”,-აღნიშნავს ლუჟკოვი.
საქართველოს შს მინისტრის მოადგილის, შალვა ხუციშვილის ინფორმაციით, მოსკოვის ყოფილი მერი იური ლუჟკოვი ე.წ. შავ სიაში იქნება შეყვანილი და ის საქართველოში ვეღარ შემოვა.
“ამ ეტაზე რაც მოხდა, განპირობებული იყო იმით, რომ თავის დროზე არ იყო შეყვანილი სიაში. ჩვენ შევიყვანთ მას ამ სიაში და საქართველოში ვეღარ შემოვა”, – განაცხადა შალვა ხუციშვილმა.