ჩვენ რაც ვნახეთ ლატვიაში ადგილობრივი თვითმმართველობის არჩევნებზე, ეს იყო სახელმწიფო ინსტიტუტების სრული კოლაფსი, – განაცხადა ევროპასთან ინტეგრაციის კომიტეტის თავმჯდომარემ ლევან მახაშვილმა.
მისივე თქმით, ლატვიაში არჩევნები უამრავი დარღვევითა და უამრავი ხარვეზით ჩატარდა.
„პირველი, რაც გაგვახსენდა, ბუნებრივია, იყო ლატვიის პოზიციები საქართველოში ჩატარებულ გასულ არჩევნებთან დაკავშირებით. მე მგონი, სანამ სხვებს გააკრიტიკებენ, ჯობია, ელემენტარული სისტემა გამართონ თავად და შემდგომ ექნებათ იმის მორალური უფლება, რომ სხვა გააკრიტიკონ.
უამრავი დარღვევით, უამრავი ხარვეზით ჩატარდა ეს არჩევნები, თუმცა ეს მოსახლეობის გადასაწყვეტია – რასაც უნდა, იმას გადაწყვეტენ, მაგრამ ფაქტი ერთია. სახელმწიფო ინსტიტუტები ჩავარდა. ჩავარდა და ვერ შეასრულეს მათი ძირეული ფუნქცია – ვერც ცენტრალურმა საარჩევნო კომისიამ და ვერც სხვებმა“, – განაცხადა მახაშვილმა.