რუსეთის შეიარაღებულმა ძალებმა გვიან ღამე დრონების გამოყენებით ოდესა დაბომბა. ინფორმაციას ოდესის საოლქო სამხედრო ადმინისტრაციის უფროსი, ოლეგ კიპერი ავრცელებს.
„მტერმა ღამე დამრტყმელი უპილოტო საფრენი აპარატებით ოდესაზე მასშტაბური იერიში მიიტანა. ჰაერსაწინააღმდეგო ძალების აქტიური მუშაობის მიუხედავად, საქალაქო ინფრასტრუქტურა მაინც დაზიანდა, კერძოდ, საცხოვრებელი სახლები, უმაღლესი სასწავლო დაწესებულების კორპუსები, გაზსადენი და კერძო ავტომობილები. ქალაქის ცენტრში დრონის მოხვედრის შემდეგ მრავალსართულიან კორპუსს ცეცხლი უკიდია“, – დაწერა კიპერმა.
მოგვიანებით ოდესის მერმა, გენადი ტრუხანოვმა დაწერა, რომ დრონი სხვა საცხოვრებელ კორპუსსაც მოხვდა, რის გამოც ის ნაწილობრივ ჩამოინგრა. ტრუხანოვის ინფორმაციით, ნანგრევებში ადამიანებია მოყოლილი.
კომენტარები