ისრაელის ქალაქ ბეერ შევაში ირანის ბალისტიკური რაკეტა ჩამოვარდა, – ინფორმაციას The Times of Israel-ი ავრცელებს.
გამოცემის ინფორმაციით, შედეგად არავინ დაშავებულა. რაკეტა საცხოვრებელ კორპუსებთან დაეცა, რის შედეგადაც რამდენიმე ავტომობილი დაიწვა. დაზიანდა ახლომდებარე სახლებიც.
მანამდე ცნობილი გახდა, რომ ირანის მხრიდან ბალისტიკური რაკეტის გაშვების გამო სამხრეთ ისრაელში, ბეერ შევასა და მიმდებარე ქალაქებში საჰაერო განგაშის სირენების ხმა ისმოდა. ისრაელის თავდაცვის ძალებმა მოსახლეობას შეტყობინება გაუგზავნა, რომ თავშესაფრის დატოვება უკვე შეუძლიათ.
კომენტარები