“სად იყო ამ ხუთი საათის განმავლობაში თორდია?! – ამის შესახებ ყოფილი მთავარი პროკურორის ოთარ ფარცხალაძის ადვოკატებმა გაგი მოსიაშვილმა და მერაბ ჩიქოვანმა “პრაიმტაიმის” პრესკლუბში პრესკონფერენციაზე განაცხადეს.
ყოფილი მთავარი პროკურორის ოთარ ფარცხალაძის ადვოკატები არ გამორიცხავენ, რომ სახელმწიფო აუდიტის სამსახურის უფროსმა ლაშა თორდიიამ დაზიანებები თავად მიიყენა.
“სად იყო ამ ხუთი საათის განმავლობაში თორდია?! ამაზე ვინმემ კითხვა დასვა?! რატომ არ მოხდა მისი მხრიდან საპატრულო პოლიციის გამოძახება ინცინდენტის შემდეგ, ან თუ ასეთი დაზიანებები ჰქონდა, რატომ არ მიმართა დაუყოვნებლივ სამედიცინო დახმარებას?!”, – აღნიშნა მოსიაშვილმა.
კითხვაზე, შესძლებელია თუ არა, რომ დაზიანებები თორდიასთვის სხვა პიროვნებას მიეყენებინა ინცინდენტის შემდეგ, მოსიაშვილი აცხდებს, რომ “გამორიცხული არაფერი არ არის”.
როგორც ადვოკატი აცხადებს, არსებობს მტკიცებულებები, რომლებიც ადასტურებს, რომ ოთარ ფარცხალაძეს ამ ინციდენტში მონაწილეობა არ მიუღია და თორდიას მხრიდან წამოსული აგრესია განეიტრალდა ფარცხალაძის პირადი დაცვის მიერ. ადვოკატის თქმით, თორდიამ ოთარ ფარცხალაძეს მისალმების ფორმა დაუწუნა, რასაც მოჰყვა მცირე ჩოჩქოლი.
“დაცვამ აღნიშნა, რომ დაახლოებით 5 მეტრის დაშორებით იყვნენ ამ ინციდენტიდან. ჩვენი მტკიცებულებებით დასტურდება, რომ ოთარ ფარცხალაძეს ამ ინციდენტში მონაწილეობა არ მიუღია და თორდიას მხრიდან წამოსული აგრესია განეიტრალდა ფარცხალაძის პირადი დაცვის მიერ. ეს იყო წამიერი ჩოჩქოლი”, – განაცხადა გაგი მოსიაშვილმა.