ტრამპმა პირობა დადო, რომ უკრაინას კიდევ მეტ თავდაცვით იარაღს გაუგზავნის. „ეს აუცილებლად უნდა გავაკეთოთ. მათ უნდა ჰქონდეთ შესაძლებლობა, რომ თავი დაიცვან. ახლა მათ ძალიან ძლიერად უტევენ,“ – განაცხადა აშშ-ის პრეზიდენტმა თეთრ სახლში, ისრაელის პრემიერ-მინისტრ ბინიამინ ნეთანიაჰუსთან ვახშმის დროს.
ტრამპმა ასევე კიდევ ერთხელ გამოთქვა უკმაყოფილება 3 ივლისს რუსეთის პრეზიდენტ ვლადიმირ პუტინთან გამართული სატელეფონო საუბრის შედეგებით. „ის ბოლომდე წასვლას აპირებს, უბრალოდ აგრძელებს ადამიანების დახოცვას. ეს ცუდია“, – თქვა ტრამპმა.
როგორც გამოცემა Politico წერს, ვაშინგტონმა შეიძლება განაახლოს უკრაინისთვის სამხედრო დახმარების ნაწილი მას შემდეგ, რაც ტრამპის სპეციალური წარმომადგენელი კიტ კელოგი და უკრაინის თავდაცვის მინისტრი რუსტემ უმეროვი ორ შეხვედრას გამართავენ. მათი პირველი შეხვედრა 10-11 ივლისს რომშია დაგეგმილი, უკრაინის აღდგენის საერთაშორისო კონფერენციაზე, მეორე კი რამდენიმე დღეში კიევში.