“ეს არის “ნაციონალური მოძრაობის“ კარის თამაშები, ზოგი თამაშობს შედარებით კონსტრუქციულ როლს, ზოგი რადიკალურ როლს”

ეს არის „ნაციონალური მოძრაობის“ კარის თამაშები, როდესაც საზოგადოების მოტყუებით ცდილობენ გამორჩნენ რაღაცას ადგილობრივ თვითმმართველობის არჩევნებში, – განაცხადა ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა ოპოზიციაზე საუბრისას.

მისი თქმით, მმართველი გუნდი ყოველთვის ეცდება, რომ საზოგადოებამდე სიმართლე მიიტანოს, რათა მათ ადგილობრივ არჩევნებზე სწორი და ინფორმირებული გადაწყვეტილება მიიღონ.

„ზოგი თამაშობს შედარებით კონსტრუქციულ როლს, ზოგი შედარებით რადიკალურ როლს. საბოლოო ჯამში ეს არის რა თქმა უნდა ერთი თამაში. ჩვენ ყოველთვის შევეცდებით საზოგადოება ჩავაყენოთ საქმის კურსში, რათა მათ მუნიციპალურ არჩევნებზე მიიღონ სწორი, ინფორმირებული გადაწყვეტილება“, – განაცხადა მახაშვილმა.