პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილის, თენგიზ შარმანაშვილის განცხადებით, მას შემდეგ რაც ოპოზიციის პატრონებმა მათ უფლება მისცეს, ერთმანეთი შეუზღუდავად ლანძღონ, “წამოვიდა მთელი ის ნაგავი, რაც დაგროვილი იყო რადიკალურ ოპოზიციაში”.
მისი თქმით, ისინი უკვე თვითონ ალაპარაკდნენ შავი ფულის არსებობაზე, რომელიც უცხოეთიდან მოდიოდა და სწორედ ამიტომ არ უნდოდათ გამჭვირვალობა საქართველოში.
“მას შემდეგ, რაც მათმა პატრონებმა თავისუფლება მისცეს, ერთმანეთი შეუზღუდავად ლანძღონ, წამოვიდა მთელი ის ნაგავი, რაც დაგროვილი იყო ამ რადიკალურ ოპოზიციაში. ისინი ხელ იშვერდნენ, რომ არჩევნები ყალბდებოდა, ცუდი წინასაარჩევნო სიტუაცია იყო, მოსყიდვებზე ლაპარაკობდნენ. ხომ ნათელი გახდა, სინამდვილეში ვინ ახდენდა შავი ფულის ხარჯვას საარჩევნო კამპანიაში? ძალიან კარგად ვიცით, საიდანაც მოდიოდა ეს ფული და, რა თქმა უნდა, ეს ფული ჩვენი ქვეყნის გარედან მოდიოდა. ამას ჩვენ ხომ არ ვლაპარაკობთ, თვითონ დაიწყეს ამაზე საუბარი. ძალიან კარგია რომ დაიწყეს, რადგან ქართველმა ამომრჩეველმა უნდა გაიგოს, ვისთან აქვს საქმე. ეს შავი ფული ტრიალებს, გარედან შემოდის და ამიტომ არ უნდათ საქართველოში გამჭვირვალობა”, – განაცხადა თენგიზ შარმანაშვილმა.