ცდილობენ დანაშაულებით დამძიმებულ პოლიტიკურ ორგანიზაციას გამოაცალკეონ ის პოლიტიკური ძალები, რომლებიც მათი აზრით შუაშისტური ძალაა, – განაცხადა ჟურნალისტებს საპროცედურო საკითხთა და წესების საპარლამენტო კომიტეტის თავმჯდომარემ, დავით მათიკაშვილმა „დღის ქრონიკაში“.
„საპარლამენტო არჩევნებზე დიდი ფსონი ჰქონდა ზურაბიშვილს უცხოელი აქტორებისგან. ის, რომ „ნაციონალური მოძრაობა“ არის ცოდვებით და დანაშაულებით დამძიმებული პოლიტიკური სექტა, ძალიან კარგად ესმით მათაც – აქტორებს. ისინი ცდილობენ დანაშაულებით დამძიმებულ პოლიტიკურ ორგანიზაციას გამოაცალკეონ ის პოლიტიკური ძალები, რომლებიც მათი აზრით შუაშისტური ძალაა. იმდენად ადვილად გასაშიფრი ტყუილია და მაინც იმავე გზაზე მიდიან.
მიუხედავად იმისა, რომ 2024 წელს ამ ყველაფერმა ფიასკო განიცადა, იგივე გზაზე ცდილობენ იარონ. 2024 წლისთვის ასეთი დაპირისპირების სეგმენტი არ შემოუტანიათ „ნაციონალურ მოძრაობასა“ და დანარჩენ „ნაციონალებს“ შორის, ვისაც სხვა სახელი ჰქვია – „ლელო“ იქნება, გახარია თუ ვინც არ უნდა იყოს. დღეს ადგნენ და საზოგადოებას რომ გაუმძაფრონ აღქმადობა, აჩხუბებენ ერთმანეთს, აბრალებენ ერთმანეთს რისი დაბრალებაცა შეუძლიათ და ამით საზოგადოებას ეუბნებიან, რომ „ნაციონალურ მოძრაობასთან“ დაპირისპირებული ძალა „ნაციონალური მოძრაობა“ არ არისო“, – აღნიშნა მათიკაშვილმა.