აჭარის ავტონომიური რესპუბლიკის უმაღლესი საბჭოს წევრი „ქართული ოცნებიდან“, ცოტნე ანანიძე ტელეკომპანია „პირველის“ ,,ნიუსს” „ვინ იქნება შემდეგი მსხვერპლი?“ საკუთარ ფეისბუქ გვერდზე ეხმიანება.
„ოპოზიციას სჭირდება მსხვერპლი, მერაბიშვილის „ორი გვამის პოლიტიკა“ არ იცვლება,“- წერს ცოტნე ანანიძე.
ცნობისთვის, ბათუმში ,,ქართული ოცნების” პარტიული ოფისი ბანერებით ააჭრელეს. ლუკა ასათიანის ქუჩაზე მდებარე შენობის კარზე ივანიშვილის და პარტიის ადგილობრივი წევრების ფოტო სურათები გააკრეს. “ვინ იქნება შემდეგი მსხვერპლი?” – ვკითხულობთ ფოტოსურათებზე. სავარაუდოდ, ეს პერფორმანსი აჭარის ყოფილი მმართველის, თორნიკე რიჟვაძის ირგვლივ განვითარებულ მოვლენებს უკავშირდება.
კომენტარები