გერმანიის თავდაცვის მინისტრმა, ბორის პისტორიუსმა განაცხადა, რომ ნატოს ევროპელმა წევრებმა საფულეები უნდა გახსნან და სწრაფად შეაგროვონ თანხა უკრაინისთვის ამერიკული იარაღის შესაძენად.
მისი აზრით, ჯერ კიდევ გასარკვევია, არის თუ არა ამერიკის შეერთებული შტატების პოლიტიკის ცვლილება უკრაინის მიმართ „უკეთესობისკენ შემობრუნება“, თუმცა ურთიერთობის ტონი უკვე შეიცვალა.
„ის, რომ გადამხდელები ევროპელები იქნებოდნენ და არა აშშ, დიდი ხანია ნათელი იყო. მაგრამ მირჩევნია, რომ შეერთებული შტატები იყოს შიგნით და არა გარეთ, რადგან მათ აქვთ საწარმოო სიმძლავრეები და შეუძლიათ მოგვაწოდონ ისეთი სისტემები, რომლებიც ჩვენ არ გვაქვს. სწორედ ამიტომ არის სიგნალი სწორი“, – აღნიშნა გერმანიის თავდაცვის უწყების ხელმძღვანელმა.
„ყველამ გარკვეულწილად უნდა გახსნას საკუთარი საფულე, რათა სწრაფად შეაგროვოს ის საწყისი თანხები, რაც განსაკუთრებით საჰაერო თავდაცვისთვის არის საჭირო. უკრაინა უდიდესი ზეწოლის ქვეშ იმყოფება, რადგან პუტინი ყოველთვის ზრდის საჰაერო დარტყმების ინტენსივობას, როგორც კი მშვიდობაზე ოდნავი საუბარიც კი ჩნდება. ამიტომაც, ჩვენ ყველას მოვუწოდებთ, გამოიჩინონ თავი ამ საკითხში“, – დასძინა მან.