ე.წ. ციანიდის საქმის ადვოკატები პროკურატურის მიერ სასამართლო პროცესის სრულად დახურვის მოთხოვნას არ ეთანხმებიან და ამბობენ, რომ დეკანოზ გიორგი მამალაძეს დასამალი არაფერი აქვს.
ადვოკატ გიორგი ფანცულაიას განცხადებით, პროკურატურას არანაირი სამართლებრივი არგუმენტი არ აქვს იმისათვის, რომ პროცესი დაიხუროს.
,,ჩვენი პოზიცია უცვლელია, რომ პროცესი უნდა იყოს გახსნილი. პროკურატურის პოზიციას რაც შეეხება, მათ დასამალი აქვთ ბევრი რამ და ჩვენ გვინდა, რომ საზოგადოებამ სწორედ სასამართლოდან გაიგოს თუ რის დამალვას ცდილობენ ისინი. წინა სხდომაზე ჟურნალისტებმაც დაინახეთ, რომ იქ არაფერი იყო ისეთი რისი გაგებაც საზოგადოებისთვის იქნებოდა არასწორი”, – განაცხადა გიორგი ფანცულაიამ.
კომენტარები