აშშ-ის სახელმწიფო მდივანმა, მარკო რუბიომ განაცხადა, რომ სირიის სამხრეთ-დასავლეთ ნაწილში სირიელ დრუზებსა და ბედუინებს შორის მიმდინარე ბრძოლებმა, ისრაელისა და სირიის მთავრობებს შორის „გაუგებრობა“ გამოიწვია, რამაც ისრაელის თავდაცვითი ძალების მიერ რეჟიმის სამიზნეების ფართომასშტაბური დაბომბვა გამოიწვია.
„ჩვენ მივდივართ რეალური დეესკალაციისკენ და შემდეგ, იმედია, დავუბრუნდებით სირიისთვის ქვეყნის მშენებლობის დახმარების გზას, რათა ახლო აღმოსავლეთში ბევრად უფრო სტაბილური მდგომარეობა შეიქმნას“, – აღნიშნა აშშ-ის სახელმწიფო მდივანმა.
ოთხშაბათს, ისრაელის თავდაცვის მინისტრი, ისრაელ კაცი „მტკივნეული დარტყმებით“ დაიმუქრა, თუ სირიის მთავრობა არ შეწყვეტს სუვეიდას რეგიონში დრუზების თემზე თავდასხმას.
13 ივლისს ცნობილი გახდა, რომ შეიარაღებულმა დაჯგუფებებმა სუვეიდას პროვინციაში დრუზების რამდენიმე დასახლებას შეუტიეს, რის შედეგადაც პროვინციის დამასკოსთან დამაკავშირებელი გზატკეცილი ჩაიკეტა.
მშვიდობიანი მოსახლეობის დასაცავად, დრუზების თავდაცვითი დანაყოფები შეიარაღებულ ბანდებთან ბრძოლაში ჩაერთნენ.