ნურავის ეგონება, რომ საქართველოში მეორე ფრონტის გახსნა წარსულს ჩაბარდა,- ასე ეხმიანება ექსპერტი, ნინო ფოჩხუა პრემიერის დღევანდელ ბრიფინგს, სადაც მან ევროპელ ბიუროკრატთა მიზნებზე ისაუბრა.
ფოჩხუას თქმით, არავის უნდა ჰქონდეს იმის ილუზია, რომ საქართველოში მეორე ფრონტის გახსნა წარსულს ჩაბარდა, პირიქით, ევროპელი ბიუროკარტები ყველაფერს აკეთებენ იმისთვის, რომ საქართველოში დღევანდელი ხელისუფლება მათთვის მისაღები, მონური მმართველი ძალით ჩანაცვლდეს.
„ნურავის ეგონება, რომ საქართველოში მეორე ფრონტის გახსნა წარსულს ჩაბარდა, ჩაბარდა კი არა და უფრო გამძაფრდა, ამის თქმის უფლებას ის მოვლენები მაძლევს, რაც დღეს მსოფლიოში ხდება. ყველაფერს აკეთებს ბრიუსელის ბიუროკრატია, რომ როგორმე ჩაანაცვლოს ქვეყნის დღევანდელი ხელისუფლება მისთვის მონურ მორჩილებაში მყოფი ხელისუფლებით, რომელიც უპირობოდ გაატარებს მათ ინტერესებს, რაც ქვეყნის სუვერენიტეტის დაკარგვას მოიტანს, უვიზო მიმოსვლით შანტაჟიც ამის მაგალითია. ძალიან ფრთხილად უნდა ვიყოთ, დანის წვერზე გავდივართ“,-წერს ნინო ფოჩხუა.