ჩილეს სასამართლომ ავგუსტო პინოჩეტის (1915-2006) მემკვიდრეებს დაავალა, ხაზინაში დააბრუნონ გარდაცვლილი დიქტატორის მიერ „სახელმწიფო სახსრების ბოროტად გამოყენების“ შედეგად მიღებული16 მილიონი დოლარი.
სანტიაგოს სამოქალაქო სასამართლომ დააკმაყოფილა თავდაცვის სახელმწიფო საბჭოს (SDF) სარჩელი, რომელიც პინოჩეტის მიერ „პრეზიდენტის სარეზერვო ფონდიდან, სამხედრო სახლისა და ჩილეს არმიის მთავარსარდლის ფონდიდან“ მითვისებული თანხების დაბრუნების მოთხოვნას შეიცავს.
გენერლის მემკვიდრეებს SDF-მა 2018 წელს უჩივლა. გამოძიებამ გამოავლინა მრავალი საიდუმლო საბანკო ანგარიში, რომელსაც პინოჩეტი და მისი გარემოცვა თანხების დასამალად იყენებდა.
„სასამართლომ უკვე მთლიანად დაადასტურა სხვა პირების მიერ ჩადენილი თაღლითობის ფაქტი, რაც დღის წესრიგში აყენებს SDF-ის მიერ მოთხოვნილი ზიანის ანაზღაურების საკითხს, რაც პინოჩეტისა და მისი გარემოცვის მიერ სახაელმწიფო სახსრების მითვისებამ გამოიწვია“, – განაცხადა საბჭოს პრეზიდენტმა, რაულ ლეტელიერმა.
სასამართლომ საქმის ხანდაზმულობის ვადაარ გაითვალისწინა. ვინაიდან ეს გადაწყვეტილება პირველ ინსტანციაშია მიღებული, დაცვის მხარეს შეუძლია, სააპელაციო და უზენაეს სასამართლოსაც კი მიმართოს.
2005 წელს ყოფილი დიქტატორი ჩილეს სასამართლომ რიგსის საქმეზე გაასამართლა. მიუხედავად იმისა, რომ მას რამდენიმე კვირით შინაპატიმრობა მიუსაჯეს, ის არ გაასამართლეს და მოგვიანებით, 2006 წლის დეკემბერში გარდაიცვალა.
ის არც ჩილეში მისი რეჟიმის დროს ადამიანის უფლებების სისტემატური დარღვევების გამო გაუსამართლებიათ.