“ყველას დააბრალეს პრორუსობა, ვინც კი წავიდა გლობალური ომის პარტიის ანუ “დიფ სთეითის“ წინააღმდეგ”

„პრორუსობა“ – როგორც ასეთი, გაცვეთილი მეთოდია უკვე, გაცვდა „დიფ სთეითის“ მხრიდან, – განაცხადა „ხალხის ძალის“ აღმასრულებელმა მდივანმა გურამ მაჭარაშვილმა.

მისი შეფასებით, ოპონენტები პრორუსულს უწოდებენ ყველა ნაბიჯს, რომელიც „დიფ სთეითის“ პოლიტიკას ეწინააღმდეგება.

„ყველას დააბრალეს პრორუსობა, ვინც კი წავიდა გლობალური ომის პარტიის ანუ „დიფ სთეითის“ წინააღმდეგ. თქვენ წარმოიდგინეთ, თურმე, ტრამპიც 2016 წელს რუსეთის ხელისუფლებას მოუყვანია პრეზიდენტად. ასევე საფრანგეთში, გერმანიაში, ევროპის ქვეყნებში ოპოზიციას თურმე წარმართავს რუსეთის ფედერაცია. ასეთ აბსურდში არიან. ნებისმიერ გადადგმულ ეროვნულ, სახელმწიფოებრივ ნაბიჯს და ისეთ ნაბიჯს, რომელიც ეწინააღმდეგება „დის სთეითის“ პოლიტიკას, უწოდებენ პრორუსულს“, – განაცხადა გურამ მაჭარაშვილმა.