ბრაიზა არის მექრთამე, ეს ყველამ კარგად იცის, – განაცხადა „დღის ქრონიკაში“ კინორეჟისორმა გოგა ხაინდრავამ. იგი ამგვარად გამოეხმაურა მეთიუ ბრაიზას განცხადებას, რომ „შეერთებული შტატებისთვის საქართველოს სულ უფრო ნაკლებად საინტერესო ხდება“.
„სააკაშვილის დროს ქორწილი გადაუხადეს სტამბულში, მე ვიცი ზუსტად, ვინ, სად და როგორ იყვნენ, მილიონი დაჯდა ის ქორწილი, სამარცხვინო ამბავი იყო. ბრაიზა არის ერთ-ერთი არქიტექტორი იმ ტრაგედიის, რომელიც მოგვიწყვეს 2008 წელს, ის იყო კურატორი ამ აქციის, რომელიც უნდა ჩაეტარებინა სააკაშვილს. სააკაშვილის გუნდთან იჯდა და ის იყო ძირითადი წარმმართველი.
ეს მეტყველებს იმაზე, რომ არანაირი ფასი მაგათ სიტყვას აღარ აქვს, ყველაფერი დამოკიდებულია, რამდენს გადაუხდიან რასაც გინდა, იტყვის. იმდენად უგუნური გახდა ბოლო დროს – წინა დღეს მან თქვა, რომ ამერიკის შეერთებულმა შტატებმა დაკარგა ინტერესი საქართველოსადმი და მეორე დღეს ვუყურებთ, რა ხდება – ელჩს როგორ იღებენ, წვრთნები იწყება და აქტი [„მეგობარი აქტი“] შეჩერდა. ეს მეტყველებს იმაზე, რომ რეალურ პოლიტიკასთან კონტაქტში აღარც არის, რა ხდება ვაშინგტონში არ იცის, მაგრამ რაღაც ფული გადაუგდეს, გამოვიდა და გაუქმებულ რადიოსადგურში რაღაც ინტერვიუ მისცა“, – განაცხადა გოგა ხაინდრავამ.