მივესალმებით ამერიკის შეერთებული შტატების ადმინისტრაციის შემხვედრ ნაბიჯს, – განაცხადა საპარლამენტო უმრავლესობის წევრმა, ირაკლი ჭეიშვილმა.
მისი თქმით, ახლა უკვე მმართველი გუნდი შეიმუშავებს ურთიერთობის დარეგულირების გეგმას.
„ჩვენ არაერთხელ განვაცხადეთ, რომ მზად ვიყავით ურთიერთობის გადატვირთვისთვის. შესაბამისად, სამომავლოდ უკვე გადავალთ ურთიერთობის დარეგულირების გეგმაზე, რომელიც ოფიციალურად გაიწერება. როგორც საგარეო საქმეთა სამინისტრომ აღნიშნა, ჩვენმა ელჩმა გადასცა [დონალდ ტრამპს] ჩვენი პრემიერის, პრეზიდენტის გზავნილები, რომ ჩვენ ვართ ურთიერთობის გაჯანსაღებისთვის მზად“, – განაცხადა ჭეიშვილმა.
საქართველოს საგანგებო და სრულუფლებიანმა ელჩმა თამარ ტალიაშვილმა ამერიკის შეერთებული შტატების პრეზიდენტ დონალდ ტრამპს თეთრ სახლში რწმუნებათა სიგელები გადასცა.
ცერემონიის ფარგლებში პრეზიდენტთან შეხვედრისას დონალდ ტრამპმა ახლად დანიშნულ ელჩს წარმატებები უსურვა მომავალ საქმიანობაში.