“ ხათუნა მიქაცაძე არის ადამიანი, რომელიც წლების მანძილზე უსმენდა უკანონოდ მამაჩემს და არა მხოლოდ”

ლუკა კურტანიძის ქალიშვილი ანა, მამის გარშემო განვითარებულ მოვლენებს ეხმაურება.

”ბევრი ვიფიქრე რაიმე დამეწერა თუ არა, ან რა ფორმით.. როდესაც საქმე პირად ცხოვრებას ეხება, სოციალური ქსელები ნამდვილად არ არის ის პლატფორმა, სადაც საუბარი მსურს, მაგრამ ამ დღეების მანძილზე იმდენად ბევრი სიცრუე წავიკითხე და მოვისმინე, რასაც უტიფრად, ყველანაირი არგუმენტის გარეშე სახეში გვიფრიალებენ, ყველა საზღვარს სცდება და რამდენიმე საკითხს მინდა შევეხო, რამდენიმეს მხოლოდ იმიტომ, რომ არ ვთვლი საჭიროდ საჯაროდ მეტი ვისაუბრო.
1. ხათუნა მიქაცაძე წლების მანძილზე იყო მამაჩემის მეუღლე – ის ცოლად გაყვა 6 შვილის მამას და მათი ოჯახის დანგრევაც შვილებს გვეწერებოდა, რადგან “სათანადოდ ვერ მივიღეთ ოჯახში” – სინამდვილეში მწამს, რომ თუ ორ ადამიანს ერთად ყოფნა უნდა, სხვების მოწონებას და ნებას არ უნდა ჰყვებოდნენ – თუმცა ეს მარტივი გამოსავალი იყო;
2. ხათუნა მიქაცაძე არის ადამიანი, რომელსაც თუ კარგად არ იცნობ, ვერც კი წარმოიდგენ რამხელა ბოროტება და სიბინძურე ცხოვრობს მასში – რომ შეხედავ, მისი გარეგნობით იფიქრებ ჭიანჭველას ვერ დაადგამს ფეხსო, მაგრამ იმდენად ბევრი რამ მაქვს და გვაქვს გამოვლილი ამ ადამიანის ინტრიგებით, ეჭვებით, რაღაც ზღაპრების შეთხზვით ადგილი არ მეყოფა წერა დავიწყო და თავსაც შევიკავებ(ჯერ-ჯერობით)!
3. ხათუნა მიქაცაძე არის ადამიანი, რომელიც წლების მანძილზე უსმენდა უკანონოდ მამაჩემს და არა მხოლოდ! იღებდა და ამონტაჟებდა ვიდეოებს, ინახავდა დამონტაჟებულ ხმოვან ჩანაწერებს, ტეხავდა ოჯახის წევრების პირად სოციალურ ანგარიშებს, ფულადი კომპენსაციის ხარჯზე გვიგზავნიდა ადამიანებს, რომ ყველაზე ჰქონოდა ინფორმაციები, მათ შორის ერთ-ერთ ქალბატონს წლების მანძილზე ჩვენს სახლში ვაცხოვრებდით, ვაჭმევდით, ვასმევდით და უანგარო მეგობრობასაც ვუწევდით!!!ძალიან სამწუხაროდ, ამის შესახებ მრავალი ფაქტის და ჩვენი გაფრთხილებების მიუხედავად მამას ვერ ვაჯერებდით (ან თავს იბრმავებდა ან საეჭვო მიზეზების გამო უჭირდა რეალობის აღქმა)! ხათუნა მიქაცაძემ მოახერხა და თავისი ინტრიგებით, ენის მიტან-მოტანებით, დამონტაჟებული ხმოვანი ჩანაწერებით, მოსყიდული ადამიანებით ძალიან ბევრი დაგვიშავა! მათ შორის, მამაჩემმა რამდენჯერმე სცადა თვითმკვლელობა!
4. ხათუნა მიქაცაძის ამჟამინდელი საცხოვრებელი არის მამაჩემის შეძენილი ისევე, როგორც სხვა ქონებები, რომელზეც მას წილობრივი საკუთრება გაუფორმა მამაჩემმა(ძალიან სამწუხაროდ)! ერთადერთი ქონება არის სახლი და სასტუმრო ქობულეთში, რომელიც ხათუნასთან თანაცხოვრებისას აქვს შეძენილი(მამაჩემს!!!) დანარჩენი ქონება – ყველა მანამდე აქვს შეძენილი და ამ ქონებებზე შვილებს, მის კანონიერ მემკვიდრეებს არასოდეს არანაირი პრეტენზია არ გვქონია!!! ღმერთმა დიდხანს მიმყოფოს მამა ჯანმრთელად და ძლიერად! ჩვენგან განსხვავებით ადამიანობა და მორალ მოკლებული, სხვის ნაშრომსა და ნაოფლარზე დახამებულმა ადამიანებმა(არა მხოლოდ ხათუნამ) აღარ იციან რა მოიმოქმედონ. ჩემთვის ასეთი ადამიანების ფასი 0საც არ უდრის! ამ საკითხს მეტს არ გავაგრძელებ, მხოლოდ ერთს ვიტყვი, ხათუნა მიქაცაძე მამაჩემთან ოჯახის შექმნამდე, რამდენადაც ჩემთვის ცნობილია, ცხოვრობდა დიდ დიღომში, პატარა სახლში და ახლა ჭავჭავაძეზე მდებარე დიდი და კეთილმოწყობილი ბინიდან(მამაჩემის ნაყიდი) ითვლის მამაჩემის ქონებებს, რომლებსაც თავისად მოიხსენიებს🙃
5. რაც შეეხება, თურმე არ მოგწონთ მამაჩემის წვერი, ჩაცმულობა და თავს უფლებას აძლევთ აგინოთ, შეურაცხყოფა მიაყენოთ, ცოცხლად შეჭამოთ და ვერ გაძღეთ – მეორე წამს კი დემოკრატიასა და ურთიერთპატივისცემის აუცილებლობაზე ისაუბრებთ, თუ გაინტერესებთ ამ მდგომარეობამდე ვინ მიიყვანა(და ახლა ყველაზე კარგ მდგომარეობაში იყო, ბოლო წლების შემდეგ), რამდენიმე დღეა სულ ამ ქალის სურათ-ვიდეოები ტრიალებს და კარგად დააკვირდით მის “ანგელოზივით” სახეს🙃
6. ასევე, ვისაც გაინტერესებთ საიდან აქვს მამაჩემს ეს ქონებები, მის მიღწევებს გადახედეთ, გადათვალეთ და წამით იქნებ თავიც შეიწუხოთ და წარმოიდგინოთ რა შრომის ფასით შეძენილ და შექმნილზე ედავებიან ჩემიაო 🙃
7. ახლა წერენ ხათუნას შვილი ცუდად გამხდარა, ძალიან ვმწუხვარ და ძალიან არ მინდა შვილებს შევეხო და არც ვაპირებ, ღმერთმა ყველა კარგად ამყოფოს, მაგრამ აი ამით მანიპულირება და მსგავსი სტატიების შეკვეთა უკვე კიდევ სხვა ფსკერია, საზღვარი ხომ შეიძლება არსებობდეს?(ყველა სტატია და ეთერი იქმნება მისი მეგობარი ჟურნალისტების მიერ) მაგრამ ამ ქალისთვის ბავშვებით მანიპულირება იმდენად დამახასიათებელი და კარგად გამოცდილი ხრიკია…… ვინმემ მოიკითხა მამაჩემის 6 შვილი როგორ გრძნობს თავს? გვიცნობთ თუ არ გვიცნობთ გადაგვიარეთ თავზე, ზოგიერთი დედაჩემსაც გადასწვდა და ისეთ რამეებს თხზავენ საზღვარიც აღარ არსებობს უკვე!!!
8. არავინ იფიქროს მამის სიყვარულით დაბრმავებული საუბრობს და სიმართლეს და ტყუილს ვერ არჩევსო, რადგან წლების მანძილზე ჩემმა ოჯახმა რა გადაიტანა ამ ქალის ინტრიგებით ეს მხოლოდ ჩვენ ვიცით!!! არასოდეს გავამართლებ ძალადობას! ყველა სახის ძალადობა ჩემთვის არის ფსკერი! ვინც მიცნობს ეს ძალიან კარგად იცის! თუ თქვენს თავს უფლებას აძლევთ განიხილოთ, გააკრიტიკოთ და შეაფასოთ სხვების ცხოვრება ჯერ კარგად შეისწავლეთ და შემდეგ ისაუბრეთ!!!! თუმცა ეს არ იქნება საინტერესო, ვერ დაგლიჯავთ კარგად ადამიანებს, ვერ მოიფხანთ გულს, საკუთარის არ ქონის გამო კარგად ვერ ჩაძვრებით სხვების ცხოვრებაში! ყურებიდან არ ამომდის მამაჩემის განწირული ხავილის ხმა, რომ ეუბნება გაეთრიე ჩემი სახლიდანო, რომელიც უდიდესი შრომის შედეგია და არა ციდან ჩამოვარდნილი!!! ძალიან ვმწუხვარ, რომ ასეთ აფექტურ მდგომარეობამდე მივიდა, თავი უნდა შეეკავებინა და კიდევ ერთხელ მწყობიდან გამოსვლის უფლება არ უნდა მიეცა, მაგრამ რასაც წერენ, რომ ფიზიკურად გაუსწორდა, ცემა და ა.შ. ასეთ გამწარებულს, სულით ხორცამდე შელახულს ხელი რომ დაერტყა “სიფრიფანა” ხათუნასთვის ვეღარც ააწყობდა ვერავინ და არც ასეთი დალაგებული სახით გამოჩნდებოდა მის მეგობარ ჟურნალისტებთან! მე არ ვყოფილვარ ადგილზე, რაც კადრებში ჩანს ჩოჩქოლის თუ შეხლა-შემოხლის შედეგად წაიქცა და დაშავდა, პრაქტიკაში საკუთარი თავის დაზიანებებიც ჰქონია, მე სხვის მონაყოლს არ ვყვები! ჟურნალისტებმა, რომლებთანაც ამ ქალბატონს საქმიანი თუ პირადი ურთიერთობები მრავლად აქვს იცის რა დაუკვეთოს, რა დაწერონ სათაურში, ტექსტში, რა დააწერინონ შემდეგ ყალბ ანგარიშებს კომენტარებში, რომ ხალხი აყვეს და კარგად აიტაცონ, აბა რამდენიმე კომენტარის ავტორის გვერდზე გადადით 🙃
9. პ.ს. ბოლოს ვიტყვი და დავასრულებ, ორდენი დაარღვია ხათუნა მიქაცაძემ და არა მამაჩემმა, ის ჩასული იყო, დამლაგებელი ჰყავდა სახლში დატოვებული და სახლში რომ დაბრუნდა ეს ქალბატონი დახვდა გინებ-ფურთხებით. ამ ამბავში მტყუან-მართალი ნამდვილად გაირკვევა, ყველას თავისი წილი მიეზღვება, მაგრამ აი თქვენ, ადამიანები, რომლებსაც ენა ისე გაქვს გადაგდებული სხვისი პირადის განხილვაში, უკვე ტერფებს იფხანთ, თქვენ არაფერი გეშველებათ! თქვენზე ყოველთვის გული ამერევა! ასეა, ხარობთ და სულდგმულობთ სხვების ცხოვრებით, კლავიატურა არსად დაგრჩეთ, მაგრამ პირისპირ რომ შეგვხვდებით მაშინ ისე პატარავდებით, აღარც ჩანხართ მიწაზე!

კიდევ ძალიან ბევრის თქმა შეიძლება და მინდა კიდეც ბევრისთვის, მაგრამ თავს ვიკავებ იმიტომ, რომ ვისაც ენის და გულის მოფხანვა უნდა, არც ჩემი სიტყვა გააჩერებს და არც რეალობის დანახვა.. თავს ვიკავებ იმიტომ, რომ არ მინდა უნებლიედ ვატკინო იმ ადამიანებს, რომლებიც ჩემთვის ძვირფასია.. თავს ვიკავებ, რადგან ხათუნა მიქაცაძის ინტრიგებზე პასუხისა და ხალხისთვის სანახაობის მოწყობაზე ბევრად მნიშვნელოვანი მდგომარეობა მაქვს..
მადლობა უფალს, სიმართლე არ იმალება და შეიძლება გვიან, მაგრამ მაინც იკვეთება..
მჯერა, რომ ყველაფერი კარგად იქნება!”