30 ივლისს, კამჩატკის ნახევარკუნძულზე მომხდარმა 8.8 მაგნიტუდის სიმძლავრის მიწისძვრამ ნახევარკუნძულის შვიდი ვულკანი – “კლიუჩევსკოის”, “ბეზიმიანის”, “კამბალნის”, “კარიმსკის”, “მუტნოვსკის”, “კრაშენინიკოვის” და “ავაჩინსკის” გაააქტიურა. ოთხი მათგანი ძლიერ ბიძგამდე ამოიფრქვა, ხოლო სამმა სეისმური მოვლენის შემდეგ გაიღვიძა, რამაც საკმაოდ დიდი ხმაური გამოიწვია.
ვულკანოლოგები ერთხმად საუბრობენ მიწისძვრის შემდეგ შვიდივე გიგანტის აქტივობის გაზრდაზე. იგივე ფენომენი დაფიქსირდა 1737 წელს.
“დღეს ჩვენ უკიდურესად იშვიათი ფენომენის მომსწრენი გავხდით, რომელსაც შემიძლია ვულკანური ამოფრქვევების აღლუმი ვუწოდო“, – განაცხადა რუსეთის მეცნიერებათა აკადემიის შორეული აღმოსავლეთის ფილიალის ვულკანოლოგიისა და სეისმოლოგიის ინსტიტუტის დირექტორმა, ალექსეი ოზეროვმა.
“ჩვენი მონაცემებით, ბოლოს მსგავსი რამ 1737 წელს დაფიქსირდა, როდესაც კამჩატკაზე 9.0 მაგნიტუდის მიწისძვრა მოხდა. სავარაუდოდ, 30 ივლისს მომხდარმა სეისმურმა მოვლენამ გააღვიძა გიგანტები, რომლებსაც ათწლეულები და შესაძლოა ასწლეულებიც ეძინათ”,-დასძინა მან.