უკრაინის შეიარაღებული ძალების გენერალურ შტაბში რუსი სამხედროების მიერ დონეცკის ოლქში მდებარე ქალაქ პოკროვსკის ალყაში მოქცევას უარყოფს.
„უკრაინის თავდაცვის ძალები პოკორვსკ-მირნოგრადის აგლომერაციაში რუსი ოკუპანტების შეკავებას განაგრძობენ. მტერი უკვე ერთ წელზე მეტია ამ რაიონიდან ჩვენი ჯარების განდევნას უშედეგოდ ცდილობს. ამავდროულად ზოგი რესურსი ავრცელებს ინფორმაციას, თითქოს და, იმის შესახებ, რომ ჩვენები პოკროვსკში ალყაში მოხვდნენ. ეს საერთოდ არ შეესაბამება სიმართლეს“, – აღნიშნულია გენშტაბის მიერ გავრცელებულ განცხადებაში.
უკრაინული მხარის მტკიცებით, ახლა ოკუპანტები შეტევით ოპერაციებს პოკროვსკიდან ჩრდილო-აღმოსავლეთში აწარმოებენ და უკრაინული ჯარის მომარაგების ხაზის ჩაჭრას ცდილობენ.
კომენტარები