რუსეთმა უკრაინის ქალაქ ზაპოროჟიეზე იერიში მიიტანა, დაღუპულია, სულ მცირე, ორი ადამიანი, ხოლო დაშავებულია 12. ამის შესახებ უკრაინული მედია წერს. დაშავებულებს შორის არიან მცირეწლოვანი ბავშვები.
იერიშის შედეგად ზაპოროჟიეს ოლქში, სულ მცირე, ცხრა შენობა დაზიანდა. ადგილზე მობილიზებული არიან სასწრაფო დახმარების სამსახურები.
პარალელურად, რუსეთის თავდაცვის სამინისტროს ცნობით, ღამით რუსეთმა უკრაინიდან გაშვებული 51 უპილოტო საფრენი აპარატი ჩამოაგდო. როგორც რუსეთის საგარეო უწყების განცხადებაშია აღნიშნული, 16 დრონი ჩამოაგდეს როსტოვის ოლქის ტერიტორიაზე, 16 – ბრიანსკის ოლქის ტერიტორიაზე, 12 – ყირიმში, ოთხი – ვორონეჟში და სამი – ორიოლის ოლქის ტერიტორიაზე.
კომენტარები