დღეს პოლონეთში არჩეული პრეზიდენტის, კაროლ ნავროცკის ინაუგურაცია გაიმართება. კაროლ ნავროცკის პოლონეთის პრეზიდენტის თანამდებობაზე ფიცის დადების ცერემონია ადგილობრივი დროით 10:00 საათზე დაიწყება.
ნავროცკი ფიცს 460 დეპუტატისა და 100 სენატორის წინაშე დადებს, რის შემდეგაც ის არჩეულ წარმომადგენლებს სიტყვით მიმართავს.
კაროლ ნავროცკი მოქმედ პრეზიდენტს, ანჯეი დუდას შეცვლის.
ცნობისთვის, პოლონეთში პირველ ივნისს გამართული საპრეზიდენტო არჩევნების მეორე ტურში კაროლ ნავროცკიმ გაიმარჯვა. ნავროცკიმ, რომელსაც მხარს ოპოზიციური მემარჯვენე-კონსერვატიული პარტია „კანონი და სამართლიანობა“ უჭერს, ხმათა 50.9 პროცენტი მოიპოვა. მან მმართველი პარტიის კანდიდატი, ვარშავის მერი რაფალ ტშასკოვსკი დაამარცხა, რომელმაც ხმათა 49.1 პროცენტი მიიღო.
კომენტარები