“ ჩვენი და ჩვენი პარტნიორების ერთობლივი პოზიცია აბსოლუტურად ნათელია – ომი უნდა დასრულდეს”

უკრაინის პრეზიდენტი, ვოლოდიმირ ზელენსკი ამერიკელ კოლეგასთან, დონალდ ტრამპთან გამართულ სატელეფონო საუბარს გამოეხმაურა.

„ჩვენი და ჩვენი პარტნიორების ერთობლივი პოზიცია აბსოლუტურად ნათელია – ომი უნდა დასრულდეს. და ეს უნდა მოხდეს პატიოსნად. ზარზე ევროპელი ლიდერები იმყოფებოდნენ და თითოეულ მათგანს მადლობას ვუხდი მხარდაჭერისთვის. ჩვენ განვიხილეთ ის, რაც მოსკოვში [პუტინი-უიტკოფის შეხვედრაზე] გაჟღერდა.

უკრაინა აუცილებლად დაიცავს თავის დამოუკიდებლობას. ჩვენ ყველას გვჭირდება ხანგრძლივი და მდგრადი მშვიდობა. რუსეთმა უნდა დაასრულოს ომი, რომელიც თავად დაიწყო. მადლობა ყველას, ვინც უკრაინის გვერდით დგას“, – აღნიშნა ვოლოდიმირ ზელენსკიმ.