უკრაინის ქალაქ ჩერკასში მდებარე მაკდონალდსის შენობაში შეიარაღებული მამაკაცი შეიჭრა და ცეცხლის გახსნა. ინფორმაციას ჩერკასის ოლქის პოლიცია ავრცელებს.
სამართალდამცველები აცხადებენ, რომ ინციდენტის დროს პოლიციამ მომხმარებლებისა და მომუშავე პერსონალის დროული ევაკუაცია მოახერხა. ბოროტმოქმედი მოგვიანებით დააკავეს. სავარაუდოდ, მან თავი დაიზიანა და ახლა სამედიცინო დაწესებულებაში იმყოფება.
მედიაში გავრცელებული ინფორმაციით, თავდამსხმელი ყოფილი სამხედროა. გამოძიება თავდასხმის მოტივის დადგენას ცდილობს.
კომენტარები