„ნაციონალური მოძრაობის“ მხრიდან აქვს ადგილი სპეკულაციას, მორიგ მოღალატეობრივ ქმედებებს, რასაც აკეთებდნენ ხელისუფლებაში ყოფნის პერიოდში, დღესაც აგრძელებენ საქართველოს სახელმწიფო ინტერესების საწინააღმდეგოდ მოქმედებას, – ამის შესახებ თავდაცვის მინისტრმა, ირაკლი ჩიქოვანმა მუხათგვერდის ძმათა სასაფლაოზე განაცხადა.
მისი თქმით, სამშობლოსთვის მებრძოლ ადამიანებზე ზრუნვა ერთ-ერთ უმთავრეს პრიორიტეტს წარმოადგენს.
„დღეს უმძიმესი დღეა თანამედროვე ქართულ ისტორიაში. 17 წელი გავიდა რუსეთ-საქართველოს ომიდან. აქ განისვენებენ ის ჯარისკაცები, ის ვაჟკაცები, ის საქართველოს შვილები, რომლებმაც დაიცვეს საკუთარი სამშობლო და საკუთარი სამშობლოსთვის გაიღეს ყველაზე უფრო მეტი – საკუთარი სიცოცხლე. ჩვენ, როგორც მთლიანად თავდაცვის ძალები, თავდაცვის სამინისტრო, მეც პირადად, გავაკეთებთ ყველაფერს, რომ ღირსეულად ვატაროთ მათი ხსოვნა. და, რა თქმა უნდა, ხელი შევუწყოთ ყველანაირად მათ ოჯახებს“, – განაცხადა ირაკლი ჩიქოვანმა.
მისი თქმით, საქართველოს ჰყავდა მოღალატეობრივი ხელისუფლება.
„სამწუხაროდ, „ნაციონალური მოძრაობის“ მხრიდან აქვს ადგილი სპეკულაციას, მორიგ მოღალატეობრივ ქმედებებს, რასაც აკეთებდნენ ხელისუფლებაში ყოფნის პერიოდშიც, დღესაც აგრძელებენ საქართველოს სახელმწიფო ინტერესების საწინააღმდეგოდ მოქმედებას. მინდა, ხაზი გავუსვა, რომ ჩვენთვის დღეს იმ ადამიანებზე ზრუნვა, ვინც იბრძოდა ჩვენი სამშობლოსთვის, იმ ადამიანებზე, რომლებიც არიან თავდაცვის ნაწილი, წარმოადგენს ერთ-ერთ უმთავრეს პრიორიტეტს“, – განაცხადა თავდაცვის მინისტრმა.